Brasilíska fyrirsætan Gisele Bündchen er sannarlega óþekkjanleg á forsíðu ítalska Vogue í mars. Þetta er fyrsta forsíðan sem Bündchen prýðir eftir að hún skildi við NFL-leikmanninn Tom Brady.
Á forsíðunni er fyrirsætan með rauða hárkollu. Hárkollan er í stíl við kjólinn sem Bündchen klæðist, en hún er í rauðum hálfgegnsæum kjól frá Valentino.
Í myndaseríunni inni í blaðinu er Bündchen í fjölda dulargerva, hún er með bláa hárkollu, ljósa hárkollu og svarta hárkollu.
Bündchen og Brady gengu frá skilnaði sínum í október á síðasta ári eftir 13 ára hjónaband.