Guðni Th. Jóhannesson, forseti Íslands, tók í dag á móti fyrsta parinu af Mottumarssokkunum sem seldir eru til styrktar Mottumars, árlegu árvekni- og fjáröflunarátaki Krabbameinsfélagins tileinkuðu krabbameinum hjá körlum. 

Forsetinn hefur sýnt verkefninu ómetanlegan stuðning allt frá 2018 þegar fyrstu sokkarnir voru framleiddir.

Frétt af mbl.is

Svona líta Mottumars sokkarnir út

Yfirskrift átaksins í ár er „Ekki humma fram af þér heilsuna“ og vísar til þess að nýleg rannsókn Krabbameinsfélagsins sýndi fram á að karlmenn sem greindust með krabbamein eftir að hafa fundið fyrir einkennum biðu margir í langan tíma með að leita til læknis.

Hönnun sokkanna er breytileg ár frá ári og eiga fatahönnuðurinn Rakel Sólrós Jóhannsdóttir og grafíski hönnuðurinn Þórdís Claessen hjá 66°Norður heiðurinn að þeim í ár. Sala sokkanna er burðarliður í fjáröflun fyrir öflugt rannsókna- og forvarnarstarf og mikilvæg verkefni í þágu einstaklinga sem greinst hafa með krabbamein og aðstandenda þeirra, en starfsemi Krabbameinsfélagsins byggir alfarið á styrkjum einstaklinga og fyrirtækja.

Krabbameinsfélagið er afar þakklátt forsetanum fyrir aðstoðina við að vekja athygli á mikilvægi þess að karlmenn hugi að heilsunni og dragi það ekki að leita til læknis séu þeir með einkenni.

Sokkarnir koma í sölu á morgun, 9. mars á hátt í 400 sölustöðum um land allt og í vefverslun Krabbameinsfélagsins.  

Rakel, Halla, Guðni og Þórdís.

Tengdar fréttir

Mottumars

Mottumarssokkarnir eru líflegir í ár

• „Bjór, mottur og hlátur“
• Öll áheitin frá flatböku
• Þjóhnappadillið dregur að
• Öll skip eiga að skarta skeggi 

» Fleiri tengdar fréttir

Fatastíllinn

Steldu stílnum af Laufeyju Lín

• Skartaði 34 þúsund króna kjól á rauða dreglinum
• Flottustu kjólarnir í Feneyjum
• Ættirðu að fá þér glimmergallabuxur?
• Hvað er á óskalistanum fyrir haustið?

» Fleiri tengdar fréttir

• Blogga um frétt