Katrín prinsessa af Wales, eiginkona Vilhjálms Bretaprins, mætti ásamt öðrum úr bresku konungsfjölskyldunni í guðþjónustu í  Westminster Abbey á mánudag. Katrín var að sjálfsögðu ekki í gömlum lummulegum kjól heldur klæddist rándýrri nýrri dragt. 

Bláa dragtin var með hvítum blómum og er frá merkinu ERDEM. Dragtin er gamaldags í sniðinu, jakkinn tekinn saman og pilsið sítt og útvítt að neðan. ERDEM er í miklu uppáhaldi hjá Katrínu og þegar mikið liggur við á hún það til að fjárfesta í fatnaði frá merkinu. Katrín var með hatt eins og venja er þegar farið í kirkju. Hún var með hárið tekið upp þannig að vel sást í eynalokka sem voru áður í eigu Díönu prinsessu, móður Vilhjálms. 

Katrín var með fallega eyrnalokka. AFP

Dragtin er í dýrari kantinum og er til sölu í vefversluninni Moda Operandi. Þar kemur fram að jakkinn kostar 2.495 bandaríkjadali og pilsið 1.695 bandaríkjadali, samtals eru þetta tæplega 600 þúsund íslenskar krónur. 

Katrín prinsessa af Wales og Vilhjálmur Bretaprins voru glæsileg til fara. AFP

Tengdar fréttir

Kóngafólk í fjölmiðlum

Ný stytta afhjúpuð af Elísabetu II. drottningu

• Lúðvík prins fagnar sex árum
• Í fyrstu heimsókn eftir krabbameinsgreiningu Katrínar
• Þráir að hitta barnabörnin sín
• Nýgift og eiga von á barni

» Fleiri tengdar fréttir

• Blogga um frétt