Ástralska leikkonan, Rebel Wilson var öll hin stórglæsilegasta þegar hún mætti á rauða dregilinn á Óskarsverðlaununum, ásamt unnustu sinni, Ramónu Agruma. Wilson klæddist kjól sem hún hefur klæðst áður, hannaður af Jason Wu. Hún mætti í einum og sama kjólnum á hátíðina árið 2020, þar sem hún steig á svið sem kynnir og einnig í Vanity Fair partýið að hátíðinni lokinni. 

Aðdáendur Pitch Perfect stjörnunnar voru fljótir að hrósa henni hástert á samfélagsmiðlum, bæði fyrir það að endurnýta kjólinn og sömuleiðis fyrir að sýna jákvætt fordæmi. 

Wilson tók sig til í nóvember 2020 og hóf það sem hún kallaði „ár heilsunnar“ og endaði á því að missa um 30 kg. Hún vildi léttast til þess að auka möguleika sína á því að ganga með barn. Wilson endaði þrátt fyrir það á að eignast dóttur, Royce Lillian með hjálp staðgöngumóður. 

Það er óljóst, hvers konar breytingar þurfti að gera á kjólnum en sama hvað þá var Wilson jafnglæsileg í þessari Jason Wu hönnun, 2020 og 2023.  

Tengdar fréttir

Lífsstílsbreyting

Margir draga úr félagslegri virkni vegna grindarbotnseinkenna

• Gyða hefur náð að viðhalda lífsstílnum í 21 ár
• Winfrey slítur samstarfi við WeightWatchers
• „Þessi aðgerð bjargaði lífi mínu“
• Ívar greindist með sykursýki og borðar hráan mat í heilan mánuð

» Fleiri tengdar fréttir

Rauði dregillinn

Missti meydóminn 35 ára gömul

• Hættir hjá Valentino eftir aldarfjórðung
• Fallegasti kjóllinn á Óskarnum var gömul hönnun
• Laufey heiðruð á forsíðu tískutímarits
• „Ég er svolítið drukkinn“

» Fleiri tengdar fréttir

• Blogga um frétt