Hunter Schafer, sem er þekkt fyrir leik sinn í þáttunum Euphoria, olli örlitlu „fjaðrafoki“ þegar hún mætti í Óskarsverðlaunaveislu Vanity Fair síðastliðið sunnudagskvöld. 

Frétt af mbl.is

Var í efnislítilli og furðulegri fjöður

Leikkonan vakti mikla athygli á dreglinum ekki einungis fyrir klæðnað sinn heldur einnig fyrir einstaklega fallegt hár og förðun. 

Förðunarfræðingurinn James Aaron Boehmer, alþjóðlegur listrænn stjórnandi fyrir Shiseido, sá um að farða Schafer fyrir kvöldið og notaði snyrtivörur sem myndu fullkomna hið himneska útlit sem var verið að vinna með. 

Kajak Ink Artist, InnerGlow Cheek Powder og TechnoSatin Gel Lipstick frá Shiseido. Ljósmynd/Samsett

Það gekk heldur betur eftir þar sem margir hafa lýst útliti stjörnunnar á samfélagsmiðlum sem endurholdgun af endurreisnarmálverki Botticelli, Fæðingu Venusar.

Boehmer notaði augnblýantinn Kajal InkArtist í litnum Azuki Red. Augnblýanturinn er ekki allur sem sýnist en hann er 4-í-1 þar sem hann notast einnig sem augnlínufarði, augnskuggi og augabrúnalitur. Þessi blýantur kemur í tíu mismunandi litum, er vatnsheldur og sérlega auðveldur í notkun. Hann notaði líka kinnalitinn InnerGlow Cheek Powder í litnum Twilight Hour. Hann er með léttri púðuráferð sem mótar kinnbein, veitir ómótstæðilegan ljóma og fæst í fjórum litum. 

Hann notaði svo varalitinn TechnoSatin Gel Lipstick í litnum Data Stream. Varaliturinn er einstaklega þægilegur og léttur. Hann notast við „Stretch-Flex“ tækni sem er nýjasta varalitaformúlan og hjálpar til að veita langvarandi lit og raka allan daginn. 

Tengdar fréttir

Snyrtibuddan

Farðaðu þig eins og Angelina Jolie

• Nýtt augnkrem frá BIOEFFECT komið á markað
• Ilmvatnsáhuginn kviknaði í New York
• Guðrún í förðun hjá stjörnu-förðunarfræðingi Íslands
• Gulla Bjarna ljóstrar upp leyndarmáli hvað varðar húðvörur

» Fleiri tengdar fréttir

• Blogga um frétt