Síðastliðinn fimmtudag hélt tískutímaritið Vogue sinn árlega Vogue World-viðburð í hinu fræga Theatre Royal Drury Lane í Lundúnum, þar sem bresku leikhúsi og tísku var fagnað. 

Gestalistinn var stjörnum prýddur og var dagskráin pökkuð af spennandi sýningum frá hinum ýmsu listamönnum hvaðanæva að úr heiminum. Í lokin fylltist rauði dregillinn af stjörnum sem sýndu glæsilega hönnun frá frægustu tískuhúsum heims úr haustlínum þeirra 2023.

Það vantaði því ekkert upp á glæsileikann og glamúrinn, en Smartland tók saman flottustu tískuna af rauða dreglinum sem spáð er miklum vinsældum í haust.