Dóttir Charlie Sheen ætlar í brjóstastækkun
Setja bókamerki
Sami Sheen, dóttir fyrrverandi leikarahjónanna Charlie Sheen og Denise Richards, tilkynnti á mánudag að hún hygðist gangast undir brjóstastækkun.
Sheen greindi frá þessu í myndskeiði á TikTok og sagði að hún þyrfti að venja sig af tóbaksnotkun fyrir aðgerðina, en unga OnlyFans-stjarnan hefur verið háð nikótíni síðastliðin fimm ár.
„Ég hef neytt nikótíns daglega síðastliðin fimm ár,“ sagði Sheen framan í myndavélina. „Ég kvíði þessu en ég hugsa að brjóstastækkun muni bjarga lífi mínu af því að aðgerðin neyðir mig til þess að hætta þessu,“ sagði hin 19 ára gamla Sheen einnig. Hún viðurkenndi fyrir fylgjendum sínum að hafa reynt að losa sig við ósiðinn og það ítrekað en að aðgerðin væri hálfgerð endastöð.
Á síðasta ári tilkynnti Sheen að hún væri búin að stofna OnlyFans-reikning og var það aðeins dögum síðar sem móðir hennar, Denise Richards, tilkynnti það sama. Sheen er með í kringum 4000 fylgjendur á síðunni en Richards er með vel yfir 100.000 fylgjendur.
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
félags- og fjölskylduráðgjafi svarar spurningum lesenda
hjúkrunar- og kynfræðingur svarar spurningum lesenda
svarar spurningum um lögfræðileg mál