Á dögunum var eitt ár liðið síðan að Elísabet II. Bretadrottning féll frá. Elísabet var þekkt fyrir litríkan klæðnað og passaði hún vel að enginn önnur kona skyggði á hana í boðum. Carrie Johnson, fyrrverandi forsetafrú, fékk að vita fyrirfram í hverju drottningin ætlaði að klæðast. 

Carrie Johnson er gift Boris Johnson, fyrrverandi forsætisráðherra Bretlands. Hún fékk þann heiður að dvelja í Balmoral-kastala konungsfjölskyldunnar og verja tíma með drottningunni. Hún deildi mynd af miða sem var settur á koddann hennar í kastalanum. 

„Hennar hátign verður í ljósbláum kokteilkjól í kvöldmat í kvöld,“ stóð á bréfsefni Balmoral-kastala sem Johnson hefur haldið upp á. 

Boris og Carrie Johnson. AFP

Elísabet II. í ljósbláu. Hún ætlaði einnig að klæðast ljósbláu í kvöldverði með Carrie og Boris Johson. AFP

Með skilaboðunum var komið í veg fyrir að Johnson klæddist einnig bláum kjól. Það vil enginn klæðast sama lit og næsta manneskja, hvað þá sjálf drottningin. 

Tengdar fréttir

Kóngafólk í fjölmiðlum

Nöfn Karls og Katrínar ekki auglýsingabrella

• Kippir sér ekki upp við fjölmiðlafárið
• Nafnalekinn veldur fjaðrafoki hjá konungsfjölskyldunni
• Þvertekur fyrir þátt Harry og Meghan í umdeildri bók
• Katrín leit út eins og jólapakki

» Fleiri tengdar fréttir

• Blogga um frétt