Tískuvikan í París veldur sjaldan vonbrigðum, en í ár voru tískupallarnir fullir af glæsilegri hönnun úr vor- og sumarlínum flottustu tískuhúsa í heimi.

Fjölbreytt snið, litaval og hönnun hefur prýtt tískupallanna í borginni undanfarna daga, en það eru þó ákveðin trend sem virðast áberandi þegar litið er yfir heildina. Það stefnir allt í að samfestingar verði það allra heitasta og víðar flíkur voru einnig áberandi. Gegnsæjar flíkur settu svip sinn á tískupallana og úrvalið af flottum rykjökkum ætti sannarlega að geta glatt tískuunnendur.

Smartland tók saman flottustu dressin af tískupöllunum í París þar sem jarðlitir voru allsráðandi samhliða einstaka sterkari litum og voru grænn, gulur og rauður vinsælastir.