Þórdís Kjartansdóttir lýtalæknir á Dea Medica svarar spurningum lesenda Smartlands. Hér fær hún spurningu frá konu sem veltir fyrir sér hvort hún sé of þung til að fara í svuntuaðgerð?

Sæl

Er ég of þung til að fara í svuntuaðgerð ef ég er um 78 kg og 165 cm?

Kveðja,

Badda

Sæl Badda og takk fyrir spurninguna.

Þú ert með þyngdarstuðul eða „body mass index“ upp á 28,6 en kjörþyngd telst samkvæmt honum 18,5 - 24,9.  Best er að vera sem næst sinni kjörþyngd þegar farið er í svuntuaðgerð en síðan er þetta aðeins einstaklingsbundið. Hvar liggja aukakílóin? Er húðin neðan nafla laus og jafnvel hangandi? Eru aukakílóin öll sem innri fita í kvið (algengara hjá karlmönnum) og þunnt lag af fitu undir húð að vöðvunum. Þeir einstaklingar eru oftast ekki góðir kandidatar í svuntu.

Ég mæli með því að þú pantir þér tíma hjá lýtalækni og skoðir hvort að þú sért kandidat í svuntuaðgerð.

Með bestu kveðjum,

Þórdís Kjartansdóttir lýtalæknir

Liggur þér eitthvað á hjarta? Þú getur sent Þórdísi spurningu HÉR.

Tengdar fréttir

Spurðu lýtalækninn

Geta karlar farið í svuntuaðgerð?

• Er fólk einhvern tímann of gamalt fyrir svuntuaðgerðir?
• „Fólk getur helst ekki farið oftar en tvisvar í andlitslyftingu“
• „Fólk kemur í bótox og fylliefni og fer beint í vinnuna eða á fund“
• Íslenskar konur mun sjálfstæðari en franskar

» Fleiri tengdar fréttir

• Blogga um frétt