Goth-stíllinn áberandi á rauða dreglinum

Tónlistarverðlaun MTV (e. MTV Vi­deo Music Aw­ards) fóru fram í nótt og var rauði dregillinn stjörnum prýddur sem aldrei fyrr. Það mátti sjá ákveðið þema í fatavali en margar stjörnur voru undir gotneskum (e. goth) og pönkrokk áhrifum. 

Á kvikmyndahátíðinni í Feneyjum fyrr í mánuðinum mátti sjá þessi áhrif í fatavali á rauða dreglinum. Það má því búast við að þessi stíll fari að vera áberandi í vetur. 

Svartir þröngir kjólar, stórir krossar, köflótt mynstur og skikkjur voru áberandi hjá stjörnum eins og Taylor Swift, Camila Cabello og Victoria Di Angelis. Söngkonan Chapell Roan gekk svo langt að mæta með sverð.