Halla Tómasdóttir, forseti Íslands, og Þorbjörg Sigríður Gunnlaugsdóttir, þingkona Viðreisnar, féllu fyrir sömu grænbláu satínskyrtunni. Halla klæddist henni á hátíðarsýningu Ellý í Borgarleikhúsinu á dögunum en Þorbjörg Sigríður við þingsetninguna. 

Skyrtan er úr versluninni Hjá Hrafnhildi, er stutt og úr hömruðu grænbláu satínefni. Forsetinn er einstaklega hrifin af versluninni. Halla klæddist skyrtunni yfir plíseraðan kjól í sama lit en Þorbjörg yfir þröngan svartan kjól.

Þorbjörg Sigríður klæddist skyrtunni við þingsetninguna og svo aftur þegar hún mætti í Spursmál á dögunum. 

Skyrtan kostar 33.980 kr og er frá merkinu Marc Cain.