Íslenska tónlistarundrið Laufey Lín Jónsdóttir geislaði á rauða dreglinum á CFDA-tískuhátíðinni í New York í gærkvöldi. Þar fór hún aðrar leiðir í fatavali og förðun en hún hefur áður gert.

Laufey klæddist fötum frá ameríska tískuhúsinu Rodarte. Kjóllinn var síður, svartur og silfurlitaður og skreyttur pallíettum. Kjóllinn er úr haust- og vetrarlínu tískuhússins fyrir veturinn 2024/2025. Augun voru förðuð í ljósfjólubláaum lit sem var skemmtileg andstæða við fatavalið. Hárið var tekið aftur. 

CFDA-verðlaunin voru stofnuð árið 1981 og eru þau virtustu í tískuheiminum. Þar er amerískri fatahönnun, blaðamennsku, listrænni sýn, persónulegum stíl og fleiru tengd tísku gert hátt undir höfði og veitt verðlaun fyrir. Hefð er fyrir að klæðast amerískri tísku á rauða dreglinum. 

Tengdar fréttir

Förðunarráð

Kinnalitir sem láta þig líta út fyrir að vera á lífi

• Farðaðu þig eins og fyrirsæta um helgina
• Svona frískarðu upp á andlitið í myrkrinu
• Hvaða maskara nota þær?
• „Í sköpun minni dansa ég á línunni milli listar og hönnunar“

» Fleiri tengdar fréttir

• Blogga um frétt