Það er bjart yfir óskalistanum að þessu sinni. Sólin hefur mikil áhrif á líðan og fara ljósari og sumarlegri hlutir að virðast áhugaverðari. Það má bæta við flíkum í fataskápinn eða hlutum inn á heimilið og margir sem fara í ákveðna vorhreingerningu á þessum árstíma. 

Það þarf hins vegar ekki mikið til að fríska upp á hlutina í kringum okkur. Eitthvað smotterí inn á heimilið eins og púðar eða keramik, ein sumarleg flík í fataskápinn eða bjartari litir í snyrtibudduna er nóg.