Fjölmennur hópur hlaupara kom saman á Helgafelli á dögunum þar sem ný hlaupalína frá íslenska útivistarmerkinu 66°Norður var kynnt. Hlaupalínan var hönnuð í nánu samstarfi við Rory Griffin, ljósmyndara og vanan hlaupara frá Bretlandi. Einnig var línan þróuð og prófuð af reynslumestu hlaupurum Íslands. 

Elísabet Margeirsdóttir var ein af þeim sem tóku þátt í ferlinu og leiddi hún hlaupið á Helgafelli ásamt Bjarti Norðfjörð.

Línan sameinar tæknilega eiginleika og léttleika fyrir hlaup í íslensku veðri. Skemmtilegt mynstur má finna á sumum flíkanna sem er grafík sem unnin var m.a. úr loftmyndum af íslensku landslagi og veðurkortum.