Tónlistarmaðurinn Laufey Lín Jónsdóttir lét sig ekki vanta þegar franska tískuhúsið Chanel bauð í teiti í New York á mánudagskvöldið. Teitið var haldið í tilefni af Tribeca-kvikmyndahátíðinni. Kastljósið beindist að Laufeyju sem var á gestalista ásamt Blake Lively, Christy Thurlington, Jerry Seinfeld og Lily Allen svo einhver nöfn séu nefnd. 

Laufey klæddist bleikum stuttum kjól frá Chanel og var í hvítum blúndusokkabuxum undir kjólnum. Kjóllinn er úr bleikri kasmírull og er úr vetrarlínu Chanel fyrir 2025/2026. Fylgihlutir eins og skór eru frá sama merki. 

Allir gestir í boðinu voru klæddir í fatnað frá franska tískuhúsinu.