Oft er mikið um dýrðir á hinum árlegu Royal Ascot-kapp­reiðum í Bretlandi. Vanda þarf klæðaburðinn enda gilda þar mjög strangar reglur. 

Fjölmiðlar þar ytra hafa greint ákveðnar stefnur og strauma sem ríktu í fatavali gesta á kappreiðunum í ár. 

„Pastel blár og ýktir blómakjólar voru áberandi á kappreiðunum í ár. Yfirbragðið var rómantískt og flæðandi. Ljós bláu kjólarnir voru úr léttum efnum eins og til dæmis siffon og bærðust fallega í golunni. Blómamynstrið var hins vegar meira afgerandi og nútímalegt, t.d. með fallegum útsaumi og dramatískum útlínum. Ekki í anda garðpartýs heldur eitthvað meira fágað,“ segir í umfjöllun The Mirror.

„Þá voru doppur og hvítir kragar einnig mjög áberandi. Það var líkt og fólk væri að sækja í nostalgíu liðinna tíma en þó með nútímalegu yfirbragði. Allt var frekar „trendy“ og „vintage“.“

„Herðaslár voru einnig vinsælar sem gaf heildarútlitinu dramatískt yfirlit sem og mynstur sem minnti á hvítt og blátt postulín sem er mjög í anda Dior þessa dagana.

Annað sem var vinsælt:

• Stórar slaufur
• Dökk blár litur
• Frumleg mynstur
• Silki samfestingar
• Einn litur frá toppi til táar