Leikkonan Elín Hall er nýtt andlit Blue Lagoon Skincare. Það var því við hæfi að hún fengi fyrsta eintakið af aðventudagatali fyrirtækisins. Dagatalið inniheldur vinsælustu vörur Blue Lagoon Skincare sem eru vandlega settar saman með fjórum húðrútínum, ein fyrir hverja viku aðventunnar. Þar má til dæmis finna allt frá djúphreinsandi andlitsmaska yfir í endurnærandi líkamsmeðferðir. Það eru kannski ekki allir komnir í tryllt jólaskap en það má alveg minna á að fyrsti í aðventu er 30. nóvember og kemur dagatalið í takmörkuðu upplagi. 

„Þetta byrjar vel á fyrsta sunnudegi á aðventunni, því í fyrsta hólfinu eru tveir þekktustu maskarnir frá Blue Lagoon Skincare. Ef þið sem hafið komið í Bláa Lónið hafið örugglega prófað þá. Ég get mælt með þeim báðum. Mineral Mask, blái maskinn, gefur húðinni raka og fallegan ljóma, en Silica Mud Mask er klassíski hvíti maskinn sem djúphreinsar og styrkir húðina. Báðir eru frábærir, en minn uppáhalds er Mineral Mask þar sem húðin mín verður oft mjög þurr á veturna. Ég nota hann yfirleitt tvisvar í viku,“ segir Elín Hall. 

Síðustu ár hafa snyrtivörudagatöl notið vinsælda um allan heim. Fólk sem hefur verið í Lundúnum í nóvember hefur upplifað stemninguna í Harrods og Liberty en þar seljast snyrtivörudagatöl yfirleitt upp á mettíma. 

„Dagatalið er tilvalið til að huga að húðinni á aðventunni og undirbúa hana fyrir hátíðarnar. Eftir að hafa farið í gegnum öll skrefin fær húðin sannkallaðan hátíðarljóma og það er alltaf gaman að opna smá glaðning hvern sunnudag á aðventunni,“ segir Hólmfríður Einarsdóttir, framkvæmdastjóri Blue Lagoon Skincare en vörur fyrirtækisins hafa ítrekað verið valdar einar af þeim bestu í þekktum tískutímaritum eins og Vogue, InStyle og Allure. Vogue valdi nýlega Silica Mud Mask sem einn besta andlitsmaskann á markaðnum og BL+ Eye Cream sem eitt besta augnkremið. Báðar þessar vörur eru hluti af aðventudagatalinu.

Elsa Nielsen, sem er grafískur hönnuður og teiknari hjá Bláa Lóninu hannaði dagatalið í samstarfi við auglýsingastofuna Kontor.