Fatahönnuðurinn Maria Grazia Chiuri hefur verið ráðin yfirhönnuður hjá Fendi. Ítalska húsið sendi frá sér tilkynningu þess efnis fyrr í dag. Chiuri mun kynna sína fyrstu haust- og vetrarlínu fyrir árið 2026 á tískuvikunni í Mílanó í febrúar á næsta ári. 

Ráðning hennar markar einhvers konar heimkomu. Hin ítalska Chiuri starfaði hjá Fendi í 10 ár á árunum 1989-1999. Chiuri hannaði meðal annars eina frægustu tösku Fendi, Baguette-töskuna, sem er enn í dag ein mest selda taska fyrirtækisins.

Frétt af mbl.is

Segir upp störfum eftir níu ár

Frétt af mbl.is

Fær lykil að öllu húsinu

Maria Grazia Chiuri hannaði meðal annars Baguette-töskuna frá Fendi sem er enn í dag ein mest selda taska ítalska tískuhússins.

Hætti hjá Dior í vor

„Maria Grazia Chiuri er ein mest skapandi konan í tískuheiminum í dag og ég er himinlifandi yfir því að hún hafi kosið að snúa aftur til Fendi og LVMH-samstæðunnar,“ sagði Bernard Arnault, stjórnarformaður og forstjóri LVMH-samstæðunnar, í fréttatilkynningu.

Fendi hefur verið án sérstaks yfirhönnuðar síðan Kim Jones sagði af sér í október 2024. Silvia Venturini Fendi, barnabarn stofnanda merkisins, Adele og Edoardo Fendi, hefur séð um hönnun kven- og karlalínunnar síðan þá. 

„Ég sný aftur til Fendi með mikilli gleði eftir að hafa notið þeirra forréttinda að hefja feril minn undir handleiðslu stofnenda hússins. Fendi hefur alltaf verið smiðja hæfileika og upphafspunktur fyrir marga skapandi einstaklinga í greininni. Ég er þakklát herra Arnault fyrir að treysta mér fyrir því verkefni að hjálpa til við að skrifa nýjan kafla í sögu þessa einstaka fyrirtækis sem stofnað var af konum,“ sagði Chiuri um ráðninguna. 

Chiuri hætti sem listrænn stjórnandi Dior í vor á þessu ári. 

Tengdar fréttir

Fatastíllinn

Flottustu gerviloðsjakkarnir núna

• Framleiddu Prada-auglýsingu á íslenskum jökli
• Kom á óvart í 73 ára gömlum kjól
• Björn Zoëga skartaði Hermés-armbandi
• Tíu góðir partýtoppar

» Fleiri tengdar fréttir

Tískuhús

Réðu 41 árs Frakka í verkið

• Framleiddu Prada-auglýsingu á íslenskum jökli
• Tífaldaði tekjurnar en var samt látin fara
• Söguleg ráðning hjá Hermés
• Seldu fyrirtækið á 570 milljarða

» Fleiri tengdar fréttir

• Blogga um frétt