Smartland Mörtu Maríu | Tíska | mbl | 15.10.2025 | 10:00

Katrín prinsessa klæddist flottasta litnum núna

Ólífugrænn er alltaf góð hugmynd og það veit prinsessan. AFP

Katrín prinsessa af Wales mætti klædd ólífugrænum fötum frá toppi til táar til Oxford í Englandi á dögunum. Liturinn er fullkominn á þessum árstíma ásamt litum eins og vínrauðum, brúnum og appelsínugulum tónum. Liturinn fer henni einstaklega vel og fer sérstaklega vel við hárlitinn hennar.

Katrín hefur sótt í dragtir undanfarnar vikur enda þægilegur og glæsilegur klæðnaður. Nýleg dæmi er gráa dragtin sem hún klæddist frá breska fatahönnuðinum Bellu Freud.

Frétt af mbl.is

Katrín baðst afsökunar á að vera ekki í kjól

Dragtin er frá tískuhúsi Victoriu Beckham. Katrín hefur klæðst henni áður með kremaðri blússu en nú tók hún litinn alla leið og fór í ólífugrænan bol undir. Það er vel hægt að leika þetta útlit eftir með góðum árangri en einnig hægt að fara í aðra liti. Það þykir einnig einstaklega þægilegt að eiga föt í samalitatóninum því morgnarnir verða mun auðveldari og maður er fljótur að sjá hvað passar saman.