Ofurfyrirsætan og athafnakonan Hailey Bieber, eiginkona Justins Bieber, klæddist skóm frá íslenska skó- og fylgihlutamerkinu Kalda í bandaríska tímaritinu Wall Street Journal. Bieber var í veglegu forsíðuviðtali við tímaritið og fylgdi því nokkurra síðna myndaþáttur.

Skórnir sem Bieber klæðist heita Kana Sandal. Þetta eru mínimalískir og opnir skór með 8,5 sm hæl. Á skónum eru þó óvænt smáatriði eins og einkennir Kalda eins og fínar ólar og stálhæll. Skórnir kosta 57.100 krónur á heimasíðu Kalda. 

Kana-sandalar á heimasíðu Kalda. Ljósmynd/KALDA

Íslensku skórnir fara Hailey Bieber vel! Skjáskot/Instagram

Selur til Bandaríkjanna

Katrín Alda Rafnsdóttir er eigandi og hönnuður merkisins sem var stofnað árið 2016. Í viðtali Smartlands við Katrínu á síðasta ári sagðist hún selja mikið til útlanda og þá aðallega til Bandaríkjanna. Stjörnur á borð við Lady Gaga, Elsu Hosk, systurnar Gigi og Bella Hadid og Emma Corrin hafa allar klæðst skóm eða borið tösku frá Kalda. 

„Ég er með al­manna­tengil í London sem sér um að senda stíl­ist­um þeirra, það fer oft í gegn­um þau eða í gegn­um In­sta­gram,“ sagði Katrín Alda í viðtali við Smartland. 

Bieber er gríðarlega þekkt í tískuheiminum og þykir mikil fyrirmynd þegar kemur að persónulegum stíl. Ásamt fyrirsætuferlinum er hún einnig stofnandi snyrtivörumerkisins Rhode sem nýtur mikilla vinsælda um heim allan. 

Frétt af mbl.is

Katrín Alda hlýtur Indriðaverðlaunin

Frétt af mbl.is

Lady Gaga í íslenskri hönnun

Frétt af mbl.is

Hailey Bieber selur Rhode á einn milljarð dala

Tengdar fréttir

Fatastíllinn

Tíu góðir partýtoppar

• Klæddi eiginmanninn upp á fyrir tilefnið
• Drottningar lyftu andanum upp í faðmi góðra efna
• Heiða Björg í dragt frá Mango
• Sneri aftur í flegnasta kjól heims

» Fleiri tengdar fréttir

• Blogga um frétt