Það er kominn tími á að endurnýja aðeins fataskápinn þegar september ber að garði. Tískuverslanir núna eru stútfullar af fallegri haustvöru og þegar rútínan er tekin við vantar yfirleitt eitthvað sem hægt er að nota í vinnuna.

Skyrturnar í tísku núna eru allavega. Þær sem standa upp úr fyrir haustið eru flæðandi bóhemskyrtur, mynstraðar eða með blúndu. Það þarf einnig að eiga satínskyrtu því hana geturðu notað í vinnuna og í kokteilboðin eftir á. Hvítar og svartar skyrtur eru einnig klassísk kaup sem endast þér næstu árin.

Hér fyrir neðan eru nokkrar flottar skyrtur sem ganga upp við gallabuxur, dragtarbuxur og jafnvel pils.