Tryggvi spilar með KFS í 4. deildinni

Tryggvi Guðmundsson í leik með Fylki í fyrra.
Tryggvi Guðmundsson í leik með Fylki í fyrra. mbl.is/Golli

Tryggvi Guðmundsson markahæsti leikmaður efstu deildar karla í knattspyrnu frá upphafi er genginn í raðir 4. deildarliðsins KFS frá Vestmannaeyjum. Þetta kemur fram á fótbolti.net í dag.

Tryggvi sagði á dögunum skilið við HK sem hann lék með í 1. deildinni á síðustu leiktíð eftir að yfirgefið herbúðir Fylkismanna.

,,Eyjahjartað slær. ÍBV var ekki option og þá er það bara hitt liðið,“ sagði Tryggvi við Fótbolta.net í dag.

Fyrsti leikur Tryggva með KFS verður á laugardaginn þegar liðið mætir Gróttu í 1. umferð bikarkeppninnar og fer leikurinn fram í Eyjum.

mbl.is