2. deild kvenna sett á laggirnar

Breiðablik eru Íslandsmeistarar kvenna. 2. deild í kvennaflokki verður fyrst …
Breiðablik eru Íslandsmeistarar kvenna. 2. deild í kvennaflokki verður fyrst leikin á næsta ári. mbl.is/Árni Sæberg

Samþykkt var á ársþingi KSÍ nú fyrir stundu að önnur deild kvenna í knattspyrnu verði leikin frá og með sumrinu 2017. Eins og staðan er núna eru einungis tvær deildir í meistaraflokki kvenna og fjölgar deildunum því um eina.

10 lið leika í Pepsi-deild kvenna og munu 10 lið leika í 1. deildinni, ólíkt því sem hefur verið en 20 lið léku í 1. deildinni síðastliðið sumar. Önnur lið, sem ekki eiga sæti í tveimur efstu deildunum, munu leika í 2. deildinni.

„Þátttökuliðum í 1. deild kvenna hefur fjölgað undanfarin ár úr 15 liðum árið 2010 í 20 lið árið 2015. Samfara þessu hefur getumunur liðanna aukist. Mikilvægt er að skapa skilyrði þar sem keppni er jafnari. Með því að skipta keppni meistaraflokks kvenna í þrjár deildir verður keppni í 1. deild betri undirbúningur fyrir þátttöku hlutaðeigandi liða í Pepsi-deild kvenna. Jafnframt er líklegt að ný 2. deild kvenna auðveldi nýjum félögum að hefja þátttöku,“ sagði í greinagerð vegna nýsamþykktrar breytingatillögu.

mbl.is
Fleira áhugavert
Fleira áhugavert