Helena Ólafsdóttir tekur við ÍA
Setja bókamerki
Helena Ólafsdóttir hefur verið ráðin þjálfari meistaraflokks kvenna fyrir næsta tímabil hjá Knattspyrnufélagi ÍA. Þetta kemur fram í fréttatilkynningu frá ÍA.
Helena mun því taka við liðinu af þeim Kristni Guðbrandssyni og Steindóru Steinsdóttur sem eins og áður hefur verið greint frá munu klára tímabilið með liðið í Pepsi-deild. Kristinn og Steindóra munu áfram vera í baklandi meistaraflokks kvenna auk þess að sinna fleiri verkefnum hjá félaginu.
Helena Ólafsdóttir hefur víðtæka reynslu af kvennaknattspyrnu. Hún starfaði síðast sem þjálfari hjá FK Fortuna í Álasund í Noregi. Þar áður þjálfaði hún meistaraflokk hjá FH, Selfoss, KR og Val. Helena þjálfaði einnig A-landslið kvenna 2003-2004.
Helena var á sínum tíma sigursæll leikmaður og varð margfaldur Íslandsmeistari með KR á árunum 1993-1999. Hún lék einnig með liði ÍA og varð m.a. bikarmeistari með liðinu árið 1992. Helena lék 8 A-landsleiki fyrir Ísland.
Aníta Lísa Svansdóttir verður aðstoðarmaður Helenu en hún er fyrrverandi leikmaður ÍA. Hún mun jafnframt þjálfa annan flokk kvenna.
„Hvílir mikil leynd yfir þessu öllu“
Kostnaður meiri en milljón á fermetra
Væri að ljúga ef ég segðist ekki stressaður
Telur forsendur fyrir vaxtalækkun
Árshátíð ríkislögreglustjóra haldin í Tékklandi
Krefjast stöðvunar framkvæmda