Fimm marka sigur ÍBV í Krikanum

ÍBV vann öruggan sigur á FH þegar liðin mættust í næstsíðustu umferð Pepsi-deildar kvenna í knattspyrnu í Hafnarfirði í dag. Lokatölur urðu 5:0 og komst ÍBV upp í fjórða sætið, að minnsta kosti um tíma.

Staðan var 2:0 í hálfleik en eftir hlé bættu Eyjakonur við þremur mörkum. Cloe Lacasse og Abigail Cottam skoruðu báðar tvö mörk fyrir ÍBV og Veronica Napoli skoraði eitt.

ÍBV er nú með 30 stig í fjórða sætinu og fór uppfyrir Þór/KA sem mætir Fylki nú klukkan 16. FH er í sjötta sætinu með 17 stig.

90. Leik lokið.

77. MARK! Cloe Lacasse skorar með fimma mark ÍBV og sitt annað mark. Eyjakonur eru að valta yfir FH í Hafnarfirði. Staðan er 0:5

68. MARK! Cottham aftur á ferðinni og kemur ÍBV í 4:0

50. MARK! Abigail Cottam skorar þriðja mark ÍBV, staðan 3:0.

46. Síðari hálfleikur er hafinn.

45. Hálfleikur.

17. Mark! Staðan er 0:2. Eyjakonur bæta strax við marki. Veronica Napoli er þar að verki.

15. Mark! Staðan er 0:1. Eyjakonur komast yfir. Cloe Lacasse skorar markið, sem er hennar tíunda í sumar.

1. Leikurinn er hafinn.

• Blogga um frétt