Ari Freyr Skúlason, vinstri bakvörður landsliðsins í knattspyrnu, er ekki með á æfingu liðsins sem nú er að hefjast á Maksimir-vellinum í Zagreb og hefur ekki æft síðustu daga.

Ari er með sýkingu í fæti og í samtali við mbl.is sagði hann óvíst hvort hann gæti tekið þátt í leiknum við Króata á morgun, í undankeppni HM. Hann kvaðst þó enn vonast til þess að geta spilað.

Ari hefur átt fast sæti í byrjunarliði Íslands undanfarin ár. Hann lék allar mínúturnar í sigrunum á Finnlandi og Tyrklandi í síðasta mánuði en fór meiddur af velli í fyrri hálfleik gegn Úkraínu í fyrsta leik undankeppninnar. Hörður Björgvin Magnússon, leikmaður Bristol City á Englandi, leysti Ara af hólmi í Úkraínu og mun væntanlega gera það einnig á morgun geti Ari ekki spilað.

Tengdar fréttir

Króatía - Ísland

Aldrei auðvelt að spila á móti Íslandi

• Getum unnið þá heima
• Verðum að sækja stigin annað
• „Þeir hafa sannarlega tekið framförum frá því síðast“
• Þeir eru ekkert betra lið en við

» Fleiri tengdar fréttir

• Blogga um frétt