Landsliðið tilnefnt til verðlauna – almenningur kýs

Bláleitt mannhaf tók á móti íslenska landsliðinu þegar það kom ...
Bláleitt mannhaf tók á móti íslenska landsliðinu þegar það kom heim frá frægðarför á Evrópumótið í Frakklandi. Áætlað er að á fjórða tug þúsunda hafi verið í miðbænum. mbl.is/Árni Sæberg

Íslenska karlalandsliðið í knattspyrnu sem og íslenska þjóðin koma til greina í flokknum „Besta augnablik íþróttaársins“ sem hluti er af Laureus-verðlaununum.

Um er að ræða nýjan flokk innan þessara verðlauna, en auk þess er íslenska landsliðið tilnefnt sem mestu tímamót síðasta árs, eftir framgöngu sína á Evrópumótinu í Frakklandi.

Við ákvörðun um tilnefningar í þessum nýja flokki var litið út fyrir hefðbundin úrslit íþróttanna en þess í stað lögð meiri áhersla á raunverulegt gildi íþrótta og getu þeirra til að breyta heiminum. Laureus-samtökin líta á árangur íslenska landsliðsins á EM í Frakklandi og ekki síst magnaðan stuðning íslensku þjóðarinnar sem mikilvæga stund í íþróttaheiminum sem verðskuldi þann sess að vera tilnefnt í þessum nýja flokki. 

Í þessum nýja verðlaunaflokki bjóða Laureus-samtökin nú í fyrsta skipti almenningi að kjósa á milli þeirra sem eru tilnefndir og fær íslenskur almenningur nú tækifæri til að framlengja EM-ævintýrið með því að gefa landsliðinu okkar sitt atkvæði. 

„Eftir að hafa komið aftur heim frá EM í Frakklandi fór liðið í opinni rútu um Reykjavík þar sem þúsundir manna tóku á móti því. Það endaði með því að fleiri þúsund manns tóku þátt í hinu svokallaða víkingaklappi,“ segir í umsögninni um íslenska liðið og þjóðina.

Allir geta kosið og það eina sem þarf að gera er að fara inn á heimasíðu samtakanna www.mylaureus.com þar sem atkvæðagreiðslan fer fram.

mbl.is
L M Stig
1 Úrúgvæ 3 5:0 9
2 Rússland 3 8:4 6
3 Sádi-Arabía 3 2:7 3
4 Egyptaland 3 2:6 0
L M Stig
1 Spánn 3 6:5 5
2 Portúgal 3 5:4 5
3 Íran 3 2:2 4
4 Marokkó 3 2:4 1
L M Stig
1 Frakkland 3 3:1 7
2 Danmörk 3 2:1 5
3 Perú 3 2:2 3
4 Ástralía 3 2:5 1
L M Stig
1 Króatía 3 7:1 9
2 Argentína 3 3:5 4
3 Nígeria 3 3:4 3
4 Ísland 3 2:5 1
L M Stig
1 Brasilía 3 5:1 7
2 Sviss 3 5:4 5
3 Serbía 3 2:4 3
4 Kostaríka 3 2:5 1
L M Stig
1 Svíþjóð 3 5:2 6
2 Mexíkó 3 3:4 6
3 Suður-Kórea 3 3:3 3
4 Þýskaland 3 2:4 3
L M Stig
1 Belgía 3 9:2 9
2 England 3 8:3 6
3 Túnis 3 5:8 3
4 Panama 3 2:11 0
L M Stig
1 Kólumbía 3 5:2 6
2 Japan 3 4:4 4
3 Senegal 3 4:4 4
4 Pólland 3 2:5 3
Sjá alla riðla