Breiðablik tók á móti Fjölni í 13. umferð Pepsideildar karla í knattspyrnu í kvöld og endaði leikurinn 2:1. Blikar því komnir með 18 sitg en Fjölnir áfram með fimmtán. Fylgst var með gangi mála hér á mbl.is
Fyrri hálfleikurinn var markalaus og þó svo Blikar væru meira með boltann gekk þeim illa að skapa sér afgerandi færi.
Eftir hlé færðist meira fjör í leikinn. Martin Lund kom heimamönnum yfir á 53. mínútu með hnitmiðuðu skoti í netið hjá sínum gömlu félögum. Sjö mínútum síðar jafnaði Marcus Solberg með góðum skalla þar sem hann kastaði sér fram og skoraði. Á milli þessara marka hreinlega yfirspiluðu Blikar gesti sína, sem skutust í skyndisókn og jöfnuðu metin.
Martin var síðan aftur á ferðinni á 75. mínútu og var það mark keimlíkt því fyrra, Arnþór Ari sendi á Martin sem skoraði með notru skoti í bláhornið.
Breiðablik | 2:1 | Fjölnir | Opna lýsingu Loka | |
---|---|---|---|---|
90. mín. Uppbótartíminn er þrjár mínútur | ||||
Augnablik — sæki gögn... |