Íslenska karlalandsliðið í knattspyrnu er í 22. sæti á styrkleikalista Alþjóðaknattspyrnusambandsins sem gefinn var út í morgun.
Ísland fellur um tvö sæti á styrkleikalistanum á milli mánaða en frá því hann kom síðast út töpuðu Íslendingar á móti Finnum en höfðu betur á móti Úkraínumönnum.
Ísland er aftur orðið efst af Norðurlandaþjóðunum. Á styrkleikalistanum í síðasta mánuði voru Svíar efstir, voru í 19. sæti einu ofar en Íslendingar, en þeir falla um fjögur sæti og eru í 23. sætinu. Danmörk er í þriðja sæti af Norðurlandaþjóðunum. Danir hækka um 20 sæti og eru í 26. sætinu. Af Evrópuþjóðum er Ísland í 14.sæti á eftir N-Írlandi.
Þýskaland hefur sætaskipti við Brasii í toppsæti listans en tíu efstu þjóðirnar eru:
Þýskaland
Brasilía
Portúgal
Argentína
Belgía
Pólland
Sviss
Frakkland
Síle
Kólumbía