Reykjavíkurmót karla í knattspyrnu hófst í dag með tveimur leikjum. Annars vegar vann Fjölnir 4:2-sigur á Val og hins vegar skildu Fylkir og Fram jöfn, 0:0.
Arnar Sveinn Geirsson kom Valsmönnum yfir á 25. mínútu gegn Fjölni en Hans Viktor Guðmundsson og Birnir Snær Ingason komu Fjölni yfir skömmu fyrir leikhlé. Guðjón Pétur Lýðsson jafnaði hins vegar metin í blálok fyrri hálfleiks.
Þórir Guðjónsson og Jóhann Árni Gunnarsson sáu hins vegar til þess að Fjölnir nældi í þrjú stig með tveimur mörkum á síðasta korteri leiksins.