Ísland mætir Írlandi í vináttulandsleik 21-árs landsliða karla í knattspyrnu á Tallaght Stadium í Dublin, heimavelli Shamrock Rovers, fimmtudaginn 22. mars.
Leikurinn verður liður í undirbúningi íslenska liðsins fyrir leik gegn Norður-Írum á útivelli sem fram fer fjórum dögum síðar, 26. mars.
Íslenska liðið, undir stjórn Eyjólfs Sverrissonar, er hálfnað í undankeppni fyrir EM 2019 og er í þriðja sæti síns riðils, á eftir Spánverjum og Norður-Írum, með sjö stig eftir fimm leiki.