Fyrri undanúrslitaleikurinn á föstudag

Íslandsmeistarar Vals, Stjarnan, KA og Grindavík eru komin í undanúrslitin í A-deild Lengjubikarsins í knattspyrnu karla en riðlakeppninni lauk um nýliðna helgi.

Valur og Stjarnan mætast í fyrri undanúrslitaleiknum á Valsvellinum á föstudaginn og fimmtudaginn 29. mars eigast KA og Grindavík við á KA-vellinum á Akureyri.

Lengjubikarinn er með öðru sniði í ár en í stað 8-liða úrslitanna komust sigurvegararnir í riðlunum fjórum í undanúrslitin. Valur og KA unnu sína riðla með fullu húsi og fengu 15 stig en Stjarnan og Grindavík töpuðu bæði einum leik og enduðu með 12 stig.

• Blogga um frétt