Knattspyrnudeild Fram hefur samið við Mihajlo Jakimoski, 22 ára kantmann frá Makedóníu. Hann kemur til Fram frá Teteks Tetovo, sem leikur í B-deildinni í Makedóníu.
Jakimoski spilaði 22 deildarleiki fyrir Teteks Tetovo á síðustu leiktíð og skoraði í þeim fjögur mörk. Tímabilið á undan lék hann 19 leiki og skoraði eitt mark.
Brasilíumaðurinn Fred er svo loks kominn með leikheimild hjá Fram, en hann kom til félagsins í síðasta mánuði.