Helena Jónsdóttir, markvörður Íslandsmeistaraliðs Þórs/KA í knattspyrnu, slasaðist á hné á upphafsmínútum úrslitaleiks Lengjubikarsins gegn Stjörnunni á Akureyri í gærkvöld.
Ekki var hægt að staðfesta eðli meiðslanna í gærkvöld en samkvæmt heimildum Morgunblaðsins er talin hætta á að krossband hafi slitnað. Helena kom á ný til liðs við Þór/KA í vetur eftir að Bryndís Lára Hrafnkelsdóttir ákvað að taka sér frí frá fótbolta á þessu keppnistímabili.
Þór/KA fagnaði sigri í vítaspyrnukeppni þar sem Sara Mjöll Jóhannsdóttir varamarkvörður Akureyrarliðsins varði tvær vítaspyrnur.