Fylkismenn unnu góðan sigur á KA-mönnum í Egilshöllinni í kvöld 2:1 í annarri umferðinni í Pepsi-deild karla í knattspyrnu.
Fylkismenn byrjuðu leikinn betur og voru öflugri aðilinn í fyrri hálfleik. Þeir sóttu með þá Albert Brynjar Ingason og Jonathan Glenn í fremstu línu. KA-menn náðu ekki að skapa sér mörg færi í fyrri hálfleiknum. Fylkir komst yfir með laglegu skoti Emil Ásmundssonar snemma leiks. Skömmu fyrir hálfleik bætti Jonathan Glenn öðru marki við eftir glæsilega skyndisókn.
Snemma í seinni hálfleik gerðu KA-menn áhlaup á Fylki og tókst að minnka muninn á 51. mínútu. En nær komust þeir ekki. Bæði lið fengu færi til að bæta við mörkum og í uppbótatíma lágu KA-menn þungt á Fylkismönnum og fengu nokkrar hornspyrnur í röð en Fylkismenn stóðu af sér þann storm og unnu að lokum 2:1.
Fylkir | 2:1 | KA | Opna lýsingu Loka | |
---|---|---|---|---|
90. mín. 6 mínútum bætt við. | ||||
Augnablik — sæki gögn... |