Knattspyrnudómarinn Vilhjálmur Alvar Þórarinsson mun á morgun dæma viðureign Ítalíu og Belgíu í undanúrslitum Evrópumóts U17 ára landsliða karla, en mótið fer fram á Englandi.
Þetta verður fjórði leikurinn sem Vilhjálmur Alvar dæmir á mótinu, en hann var einnig á meðal dómara í viðureignum Írlands og Belgíu, Englands og Ítalíu og leik Hollands gegn Serbíu.
Í hinni undanúrslitaviðureigninni mætast England og Holland.