Þór og Víkingur með góða sigra

Ejub og lærisveinar hans meðan góðan sigur í kvöld.
Ejub og lærisveinar hans meðan góðan sigur í kvöld. ValgardurGislason,Valgarður Gíslason

Þór Akureyri og Víkingur Ólafsvík unnu í kvöld góða sigra í Inkasso-deild karla í knattspyrnu. Með sigrunum tryggðu liðin stöðu sína í efri helmingi deildarinnar. 

Þór vann Magna í Grenivík með tveimur mörkum gegn einu. Magni komst yfir á 76 mínútu með marki Bergvins Jóhanssonar. Magni fékk stuttu seinna rautt spjald sem átti eftir að reynast þeim dýrkeypt því á tveggja mínútna kafla undir lok leiksins tókst Þór að snúa leiknum sér í vil. Á 85 mínútu jafnaði Ívar Sigurbjörnsson áður en Ignacio Gil Echevarria tryggði sigurinn á 87 mínútu.

Víkingar Ó. unnu Leiknir R. sannfærandi 3:0 á splunkunýjum Ólafsvíkurvelli. Alexander Helgi Sigurðarson kom Víkingum yfir á 50. mínútu eftir að hafa fylgt eftir skoti Pape Mamadou Faye. Staðan var 1:0 þangað til á 90 mínútu þegar Kwame Quee og Emmanuel Eli Keke bættu við tveimur mörkum í lokin. 

Eftir leikina er Þór í 3 sæti deildarinnar með 14 stig. Víkingur Ólafsvík er sæti fyrir neðan með 13 stig. Magni er aftur á móti neðstir í deildinni ásamt ÍR með 3 stig á meðan Leiknir R. er litlu ofar í 10 sæti með 6 stig. 

mbl.is