Fyrsti leikurinn minn það eina jákvæða

Davíð Snær Jóhannsson 15 ára leikmaður Keflvíkinga kom inn á í sínum fyrsta leik í Pepsi-deildinni í fótbolta í kvöld gegn KR. Reyndar er piltur 15 ára og 364 daga gamall en hann heldur uppá 16 ára afmæli sitt á morgun. 

Af því sem Keflvíkurliðið sýndi í kvöld voru flestir sammála að innkoma Davíðs hafi verið ljósi punktur kvöldsins og sýndi hann glögglega að þar er á ferðinni framtíðarleikmaður Keflvíkinga og Íslands í raun ef út í það er farið. 

Davíð sagði í viðtali við mbl.is eftir leik að þjálfari liðsins hafi eftir leik einfaldlega reynt að stappa stálinu í Keflvíkinga. Davíð var nokkuð ánægður með sína innkomu í leikinn og sagðist ætla að berjast hart fyrir því að fá fleiri tækifæri í liðinu. 

Frá leiknum í kvöld. Ljósmynd/Víkurfréttir/Páll Ketilsson

• Blogga um frétt