Meiri hasar að vera á miðjunni en í bakverðinum

Thelma Björk Einarsdóttir í leik með Val gegn Þór/KA.
Thelma Björk Einarsdóttir í leik með Val gegn Þór/KA. mbl.is/Kristinn Magnússon

„Ég náði mér upp úr erfiðum meiðslum skömmu áður en Íslandsmótið hófst. Síðan hefur mér gengið vel í þeim leikjum sem ég hef spilað,“ sagði Valsarinn Thelma Björk Einarsdóttir þegar Morgunblaðið sló á þráðinn til hennar í gærmorgun þar sem hún var við vinnu sína hjá Össuri.

Thelma lék afar vel þegar Valur vann KR, 4:0, í sjöttu umferð Pepsideildarinnar á þriðjudagskvöld á heimavelli Valsliðsins. Hlaut m.a. tvö M í einkunnagjöf Morgunblaðsins fyrir framgöngu sína.

„Ég missti af tveimur leikjum eftir að ég fékk heilahristing í leiknum við Stjörnuna í annarri umferð. Sem betur fer var ég fljót að jafna mig eftir höggið. Því er að þakka að rétt var tekið á málinu frá byrjun,“ sagði Thelma Björk sem finnur í dag ekki fyrir óþægindum vegna höggsins.

Meiðsli í hné hrjáðu Thelmu Björk lengi vel og til að mynda lék hún aðeins 11 af 18 leikjum Vals í Pepsideildinni á síðasta sumri. „Ég hef verið í vandræðum með annað hnéð á mér og hef af þeim sökum gengist undir eina aðgerð vegna krossbandaslits og í þrígang farið í speglun, þá síðustu í október. Hún virðist hafa tekist vel,“ sagði Thelma sem gat þó ekki tekið þátt í undirbúningsleikjum fyrr en komið var fram í apríl. „Ég náði leikjum rétt fyrir mót.“

Viðtalið í heild er í íþróttablaði Morgunblaðsins í dag. Þar er jafnframt birt úrvalslið Morgunblaðsins úr 6. umferð Pepsi-deildar kvenna ásamt stöðunni í M-gjöfinni.

L M Stig
1 Úrúgvæ 3 5:0 9
2 Rússland 3 8:4 6
3 Sádi-Arabía 3 2:7 3
4 Egyptaland 3 2:6 0
L M Stig
1 Spánn 3 6:5 5
2 Portúgal 3 5:4 5
3 Íran 3 2:2 4
4 Marokkó 3 2:4 1
L M Stig
1 Frakkland 3 3:1 7
2 Danmörk 3 2:1 5
3 Perú 3 2:2 3
4 Ástralía 3 2:5 1
L M Stig
1 Króatía 3 7:1 9
2 Argentína 3 3:5 4
3 Nígeria 3 3:4 3
4 Ísland 3 2:5 1
L M Stig
1 Brasilía 3 5:1 7
2 Sviss 3 5:4 5
3 Serbía 3 2:4 3
4 Kostaríka 3 2:5 1
L M Stig
1 Svíþjóð 3 5:2 6
2 Mexíkó 3 3:4 6
3 Suður-Kórea 3 3:3 3
4 Þýskaland 3 2:4 3
L M Stig
1 Belgía 3 9:2 9
2 England 3 8:3 6
3 Túnis 3 5:8 3
4 Panama 3 2:11 0
L M Stig
1 Kólumbía 3 5:2 6
2 Japan 3 4:4 4
3 Senegal 3 4:4 4
4 Pólland 3 2:5 3
Sjá alla riðla