Vænleg staða Stjörnunnar eftir 3:0 sigur

Þórarinn Ingi Valdimarsson býr sig undir að spyrna boltanum í …
Þórarinn Ingi Valdimarsson býr sig undir að spyrna boltanum í kvöld. Baldur Sigurðsson fylgist með fyrir aftan. mbl.is/Hari

Stjarnan var ekki í miklum vandræðum með eistneska liðið Nömme Kalju í leik liðanna í fyrstu umferð undankeppni Evrópudeildarinnar. Lokatölur í leiknum urðu 3:0 fyrir Stjörnuna eftir að Garðabæjarliðið var 1:0 yfir í hálfleik.

Frá fyrstu mínútu var Stjarnan stekari aðilinn og eistneska liðið átti nær engin markskot þrátt fyrir ágætisspil á köflum. Fyrsta markið kom á 18. mínútu úr vítaspyrnu sem dæmd var á markmann Kalju fyrir brot á Guðmundi Steini. Hilmar Árni skoraði úr spyrnunni með góðu skoti. 

Í seinni hálfleik byrjaði Stjarnan af krafti. Á 49. mínútu tók Hilmar Árni aukaspyrnu úti á kanti sem virtist sigla í gegnum alla þvöguna í markið en hafði smá viðkomu í Baldri Sigurðssyni og þá komin í þægilega forystu. Rúnar Páll gerði breytingar á liðinu og freistaði þess að halda skipulagi en þriðja markið lét ekki bíða lengi of lengi á eftir sér. Á 70. mínútu átti Jóhann Laxdal langa sendingu upp völlinn á Guðjón sem var allt í einu einn á auðum sjó og kláraði færið auðveldlega.

Stjarnan 3:0 Nömme Kalju opna loka
90. mín. Liliu (Nömme Kalju) á skalla sem er varinn Hættulegt! Þarna kom færið. Langur bolti fram á Liliu sem vinnur skallaeinvígið og nær næstum því að skalla boltann yfir Harald en Halli rétt nær að verja þetta. Þetta hefði getað orðið dýrkeypt.
mbl.is
Fleira áhugavert
Fleira áhugavert