Ungi og efnilegi knattspyrnumarkvörðurinn Elías Rafn Ólafsson hefur gengið til liðs við dönsku meistarana Midtjylland frá Breiðablik en Kópavogsliðið staðfesti þetta í kvöld.
Elías er fæddur árið 2000 og hefur ekki spilað keppnisleik fyrir meistaraflokk Breiðabliks en hann æfði með FH síðasta sumar. Hann hefur spilað með öðrum flokki Breiðabliks undanfarið og á að auki þrjá landsleiki að baki með U17 liðinu.
„Blikar óska Elíasi til hamingju með þennan áfanga og um leið velfarnaðar á nýjum slóðum. Það verður gaman að fylgjast með okkar manni hjá dönsku meisturunum,“ segðir í tilkynningu Breiðabliks.