Karl og Víðir leystir undan samningum

Karl Brynjar Björnsson og Víðir Þorvarðarson hafa fengið samningum sínum við knattspyrnudeild Þróttar Reykjavíkur rift en samningar þeirra áttu að gilda út tímabilið 2018.

Þetta kemur fram á heimasíðu félagsins. Karl Brynjar lék níu leiki fyrir Þrótt á leiktíðinni en hann hefur verið hjá félaginu síðan 2012 og leikið 123 leiki á þeim tíma. Karl Brynjar hefur verið fyrirliði liðsins undanfarin ár. 

Víðir kom til Þróttar frá Fylki fyrir keppnistímabilið 2017 og hefur leikið 30 leiki í deild og bikar frá því hann kom og skorað í þeim 3 mörk. Víðir er uppalinn í ÍBV og á m.a. að baki einn landsleik með U21 liðinu og 112 leiki í efstu deild.

• Blogga um frétt