Kvennalið Selfoss hefur náð sér í liðsauka fyrir seinni hluta Íslandsmótsins í knattspyrnu en í dag fékk enskur framherji, Grace Rapp, félagaskipti yfir til Selfyssinga og getur spilað með þeim frá og með næstu umferð.
Hún er 23 ára gömul og lék með Miami-háskóla en spilaði áður með enska liðinu Yeovil Town. Rapp á að baki þrjá leiki með U19 ára landsliði Englands.
Selfyssingar sjá á bak nokkrum leikmönnum vestur yfir haf vegna náms á næstunni og tvær eru þegar farnar og spila ekki meira á tímabilinu.