„Guðjón er auðvitað gríðarlega mikilvægur fyrir okkur og leikstíl okkar. Hann er gríðarlega ósérhlífinn og vinnusamur,“ sagði Rúnar Páll Sigmundsson, þjálfari Stjörnunnar, en Guðjón Baldvinsson er leikmaður fyrri umferðar Pepsi-deildar karla hjá Morgunblaðinu og efstur í einkunnagjöf blaðsins.
Guðjón Baldvinsson hefur oft skorað meira en hann hefur gert á þessu keppnistímabili. Á móti kemur hefur hann átt drjúgan þátt í flestum mörkum Stjörnunnar og ef hann hefur ekki lagt þau upp sjálfur hefur hann komið að þeim með öðrum hætti. Rúnar sagðist mjög ánægður með þennan þátt í leik Guðjóns „Maðurinn er byrjaður að leggja upp urmul af mörkum. Hann er ekki alltaf að fókusa á að skora sjálfur og það gerir hann enn betri og hættulegri.“
Sjá umfjöllun um besta leikmann og úrvalslið fyrri umferðar Pepsi-deildar karla í íþróttablaði Morgunblaðsins í dag.