Íslenska U21 árs landslið karla í fótbolta mætir Eistlandi á Kópavogsvelli kl. 16:45. Leikurinn er liður í undankeppni Evrópumótsins sem fram fer á næsta ári. Ísland er í fjórða sæti riðilsins með átta stig, tíu stigum á eftir toppliði Spánverja en Eistland er í neðsta sæti með aðeins eitt stig.
Eyjólfur Sverrisson gerir fjórar breytingar á byrjunarliðinu sem mætti Norður-Írlandi á útivelli í síðasta leik. Aron Snær Friðriksson, leikmaður Fylkis, kemur í stað Sindra Kristins Ólafssonar í markið og þeir Axel Óskar Andrésson, Jón Dagur Þorsteinsson og Arnór Sigurðsson koma inn í liðið.
Hans Viktor Bjarnason, Tryggvi Hrafn Haraldsson og Júlíus Magnússon fara á varamannabekkinn. Hér að neðan má sjá byrjunarliðið í heild sinni.
Byrjunarlið Íslands:
Aron Snær Friðriksson
Alfons Sampsted
Felix Örn Friðriksson
Torfi Tímoteus Gunnarsson
Axel Óskar Andrésson
Samúel Kári Friðjónsson
Nikael Neville Anderson
Arnór Sigurðsson
Óttar Magnús Karlsson
Albert Guðmundsson
Jón Dagur Þorsteinsson