Klara Bjartmarz, framkvæmdastjóri KSÍ, hefur vísað ummælum Ólafs Jóhannessonar, þjálfara karlaliðs Vals í fótbolta, til aga- og úrskurðanefndar. Ólafur var harðorður í garð Einars Inga Jóhannssonar, dómara leiks Vals og KA.
„Dómarinn er náttúrlega Stjörnumaður, hann er fæddur og uppalinn í Stjörnunni, nánast í Stjörnuheimilinu, og auðvitað fór hann ekki að dæma víti fyrir okkur, það gaf augaleið. Það er engin spurning í mínum huga að það var náttúrlega klárt víti,“ sagði Ólafur við Vísi eftir leik.
Málið verður tekið fyrir næsta þriðjudag og gæti Ólafur því verið í leikbanni á lokaspretti Íslandsmótsins.