Arnar Grétarsson mun ekki taka stöðu yfirmanns knattspyrnumála hjá félaginu APOEL á Kýpur en hann hafnaði starfstilboðinu vegna fjölskyldu sinnar.
Arnar var síðast þjálfari Breiðabliks en var rekinn þaðan í byrjun tímabils í fyrra. Áður hefur hann meðal annars verið yfirmaður knattspyrnumála hjá AEK Aþenu í Grikklandi og Club Brugge í Belgíu en honum var boðin sambærileg staða hjá APOEL.
Arnar sagði í viðtali við Ríkisútvarpið að hann hafi ekki viljað færa sig og fjölskyldu sína um set sem hefur komið sér vel fyrir á Íslandi. Þá segist hann enn ekki hafa heyrt frá KSÍ varðandi stöðu yfirmanns knattspyrnumála en lesa má allt viðtalið við RÚV með því að smella hér.