Sænski dómarinn Andreas Ekberg mun dæma viðureign Íslands og Sviss í Þjóðadeildinni sem fram fer á Laugardalsvelli annað kvöld.
Ekberg hefur dæmt á alþjóðavettvangi frá árinu 2013, en samkvæmt netmiðlum var hann lögreglumaður áður en hann gerðist alþjóðadómari. Hann er þá ekki eini lögreglumaðurinn sem færði sig yfir í dómgæslu en meðal annarra er Howard Webb sem lengi var einn fremsti dómari Breta.
Leikur íslands og Sviss hefst klukkan 18.45 á morgun.