Atli framlengdi við FH

Atli Guðnason verður áfram í herbúðum FH-inga á næstu leiktíð.
Atli Guðnason verður áfram í herbúðum FH-inga á næstu leiktíð. mbl.is/Eggert

Knattspyrnumaðurinn Atli Guðnason skrifaði í gær undir eins árs samning við FH en þetta kemur fram á Twitter-síðu FH-inga. Fyrrverandi samningur Atla rann út í október og ríkti nokkur óvissa um framhaldið hjá leikmanninum en nú er ljóst að hann verður áfram í Hafnarfirðinum.

Atli skoraði fimm mörk með FH í sumar en hann kom við sögu í 24 leikjum með liðinu í bæði deild og bikar. Hann á að baki 343 meistaraflokksleiki fyrir FH þar sem hann hefur skorað 89 mörk en hann hefur einnig leikið með HK og Fjölni á ferli sínum hér á landi.

mbl.is
Fleira áhugavert
Fleira áhugavert